متي نترك عادات وتقاليد الأمس ونكون اليوم...؟!!

لي مجتمعنا عقيم وعديم الفهم لي حابس نفسه ف عادات وتقاليد ناس زمان آووووي مش بالحابسة والله والقافلة دي لي مفيش تشجيع علي الأفضل ديمآ ولد أو بنت مش هتفرق بس نكون معاهم خطوة بخطوة ونشوف بيحلموا بإي وتشجيعهم علي ده مش معني إن البنت بنت تكون ملهاش طموح أو مش بتحلم بحاجة اللي بتتكلم واللي ساكتة عشان مش بتعرف تعبر عن احتياجها أو شعورها ممكن لمجرد الخوف أو إحساس بعدم التقدير والفهم للي هتقوله...، بنات كتير ياما طلعت وعليت وعلت أهلها اللي بيخافوا من كلام الناس آكتر من مشاعر ولادهم كلام الناس اللي سواء عملوا اللي يريحهم أو لأ مش هنخلص برضوااا من كلامهم عشان دي شغلنتهم بس المصيبة الحقيقية لو عملنا اللي يريحهم هما مش اللي يريحنا إحنا ويرضي ضميرنا تجاه أولادنا وتجاة اللي بنحبهم أو عشان خوفهم الزايد شوية ، رغم إنهم متعلمين عن اللي قبلهم ف المفروض يكونوا آكتر فهم ووعي ودراية عن كدا  وعلي فكرة مش بالتعليم فعلاً.. بالعقل والنضج يعني مثلاً دي حقيقة هقولهالكم آنا (ستي أم أمي وجدو كمان) مع فكرة أنكم تشوفوا إنتو عايزين اي ( البنت ) وملكمش دعوة بكلام الناس مدام إنتو علي صح أصل محدش هينفع حد ومش ضد أي فكرا أو شئ يخطر ببال البنت أو نفكر فحاجة لاااااا علي طول كدا  بنتناقش بعقل وحكمة طول م النبته والأصل والناشئة اتزرعت صح خلاص يا يقنعوكي ياتقنعيهم  وكمان مع إننا نشوف هيا عايزة أي ونكون معاها خطوة بخطوة وواحدة واحدة  وستي وجدي حد بسيط جداً ومش متعلمه هيا وجدو التعليم بتاع ناس كتير جدآ بس عاملة كيان ليها وهوا كمان وملك خاص لكل واحد منهم أصلها مش بالعلااام والله وعن حكمتهم والحب ف كل شيء بيعملوه ، بحب أقعد جمبهم وآسمع منهم واتعلم منهم جدآ يعتبر بيتي التاني اللي اتربيت فيه ، في ناس بقا دكاتره ومحامين ومدرسين قد الدنيا واختلطوا كتير بجميع الأجناس والعقول ولسه حابسين نفسهم ف نطاق البنت متطلعش من البيت طالما المغرب أذن لي مش بيفتح الحرية مش ف كل مكان ف بعض المجتمعات بصراحة لآننا فالوقت الحالي آنا شايفة إن في حرية ف حاجات كتيرة جداً مكنتش موجودة قبل كدا بس للآسف بقت بتستغل غلط جداً لو هتكلم المفروض هتكلم عن استغلال الحرية ممكن أقول النظرة بدلاً منها أو الحكم....  للبنت مع إنها لو هتقارنها بالولد فالزمن ده هيا حاجات كتير آوووي ميقدرش ولد يعملها البنت تكون موظفه وتكون متجوزه تروح من شغلها تشتغل فبيتها وتربي العيال وتفكر مع جوزها وتمشي أمور برا وجوا وتدبر الحال والدنيا والولد بيشتغل ويروح ياكل وبس مش شايل أي مسؤلية تاني غير إنه يجيب فلوس وكتير دلوقت بيدور علي اللي مرتاحة عشان تصرف هيا عليه للآسف إلا قله منهم ، لي مش واخده حقها مع إنها تستاهل آكتر من كدا
آه ونقطة كمان البنت مش ليها غير بيتها وجوزها وعيالها غلط تماماً تماماً تماماً م آنا مش عاملة ليا شخصية وكيان خاص بيا وسايبة بصمه ليا هنا وهنا ف آنا هتجوز لي طب آعلم ولادي أي طب اي انجازاتي اللي هحكيهالهم واشجعهم إزاي يعملوا حاجة وأنا معملتاش اصلآ  طب هنشآ جيل غير إزاي !! آه كويس إني أحاول يعملوا اللي أنا معملتهوش بس واحد يكونوا عايزين ده مش اللي أنا معرفتش اعملهم أحاول إجبارهم عليه إتنين طول م آنا معملتش ده أو غيره وهما مش شايفين ده بعينهم هما مش هيفضلوا صغيرين علي طول هيكون صعب اقنعهم غير عدم الرضا والزمجرة قدامي والشكاوي من ورايا للصحاب للإخوات بينهم وبين بعض وفوق ده كله عدم الثقة والإنجاز ومحدش هياخد خطوة م هما معملوش ده أنا هعمله يعني هما مقدروش وزمانهم غير زمانا ونقطة الزمن هيختلف طول م إحنا ماشيين أكيد الكل واعي لده مش مقارنة بس الحكاية هتكون مش معني إن أهلي معملوش حاجة معينة آنا هكون زيهم فيها بس ف الأغلب دي هتكون طريقة التفكير ف الوقت ده عشان نقدر نبرر لنفسنا  ونعلق إخفاقنا علي شماعتهم هنا طب لي بقا من البداية.

ياريت تزرعوا صحوتشجعوهم كتير أخد حريته بس للآسف بتستغل غلط الحق يتقال برضوااا الأزمة مش أزمة حرية قد ماهيا أزمة سوء أو حسن استغلال للحرية  أو الزرع بيكون ناقص حاجة ف بيحصل خلل _تكونوا معاهم وليهم مش ضدهم آكيد مش بيكون بالقصد بس اللي متعرفهوش إنكم بتفقدوهم الثقة فالتجريب حتي بيقبلوا ديمآ بالأمر الواقع السئ والإستسلام والخنوع _المناقشة الحرة اللي ميكونش فيها تكلف وخوف _ الموافقة علي الطلب بعد المناقشة للتجريب وخوض التجارب اللي هتوعي وتخلي الشخص آكتر حكمة ونضج طب افرضوا الأمر فلوس وكتيرة والموضوع ميئوس منه لي منجربش ونخسر أصل مينفعش آخذ بدون عطاء أحياناً بيكون الأهل مكسوفين يقولوا مفيش لأ مش عيب تقولوا مفيش بس برضوااا بطريقة ترضي جميع الأطراف.

الكاتبة: يمنى محمد ابراهيم